اسماء اشرطة بلاي ستيشن

السلام عليكم ..
مدري الموضوع يتعارض مع قانون المنتدى .. بس مالنا الا ننزله ...

السالفة يالربع .. جاني واحد من هالطخمان البريطانيين قال يالذيب حن طالعين نلعب بلاي ستيشن عند واحد من الشباب تبي تخاوي؟ قلت امش عندكم سوني <===== لا بس يبيعونه بالسعودية انت ووجهك
قال لا عندنا بلاي ستيشن .. قلت يعني سوني قال لا بلاي ستيشن <=== والله من التنادة انت واللي تحاكيه

المهم رحنا لعبنا و الا الاشرطة كلها مثل وجهي <===== ودي اقول مثل وجيههم بس كلهم طخمان
بعدين لعنبوا ابليسهم كلهم طحوش و يلعبون اشرطة لو عطيتها لبزر في النسيم ان يقول لك وش شايفني خكري ..
المهم لعبنا كورة بشريط بايخ كل واحد عنده سيجا اكيد مر عليه .. فيفا الفين وخمسطعش ابيخ شريط على الكرة الارضية ..

الزبدة طمر محاكيكم قال عندكم الدوري الياباني قالوا وش هو ذا ..قلت أبد شريط كورة مهو بصاحي مع راس تفاحتين يجيك تماااام
طمر واحد قال معليكم منه تراه طعس ما يعرف الاالدوري الياباني .. اصلا بديرتك ما فيه بلاي ستيشن .. قلت ما عندنا بلاي ستيشن بس عندنا سوني

ومن هالسوالف .. يوم قلت ان الاشرطة عندنا بحدود 15 ريال ( هنا بحدود 150 وانت طالع على كلامهم )انهبلوا يقولون جب لنا من السعودية على ذوقك .. قلت طيب تطلعوني مع خوياتكم قالوا يا شيخ جب الاشرطة ولا يكثر بس ما بقى الا المبزرة ..

المهم انه هالحين فيه تحدي على سالفة الشريط الياباني .. يقولون فيفا اكيد انه احسن منه .. !!
و يبون اشرطة مغامرات زي كرش أو من طقة ميتل قير .. و بصراحة ياليت تخدموني باسماء اشرطة مناسبة لذولا

لأني ما اعرف الا الدوري الياباني و ميتل قير و نيد فور سبيد و درايفر وبس .. الله لا يهنيكم مقدماً .. لا تفشلوني معهم .. يمكن يطلعوني مع خوياتهم .. خخخخخخخخخخ

في أمان الكريم .. ..